തൃക്കുന്നപ്പുഴ
ഗ്രാമ പഞ്ചായത്ത്

ആലപ്പുഴ ജില്ലയിലെ കാർത്തികപ്പള്ളി താലൂക്കിലെ തൃക്കുന്നപ്പുഴ വില്ലേജിൽ സ്ഥിതിചെയ്യുന്ന തൃക്കുന്നപ്പുഴ ഗ്രാമപഞ്ചായത്തിന് 12.53 ചതുരശ്ര കിലോമീറ്റർ വിസ്തീർണ്ണമുണ്ട്. പഞ്ചായത്തിന്റെ കിഴക്ക് കാർത്തികപ്പള്ളി, കുമാരപുരം, കരുവാറ്റ പഞ്ചായത്തുകളും, പടിഞ്ഞാറ് അറബിക്കടലും, തെക്ക് ആറാട്ടുപുഴ പഞ്ചായത്തും, വടക്ക് പുറക്കാട് പഞ്ചായത്തുമാണ് അതിർത്തികൾ. ചരിത്രപരമായി "ശ്രീമൂലവാസം" എന്ന പേരിൽ അറിയപ്പെട്ടിരുന്ന ഈ പ്രദേശം പുരാതനകാലത്ത് ഒരു പ്രധാന തുറമുഖവും വ്യാപാരകേന്ദ്രവുമായിരുന്നു. ചെറുകുളങ്ങൾ, കൈത്തോടുകൾ, ഇടത്തോടുകൾ, കായൽ, പുഴ എന്നിവയാൽ സമ്പന്നമായ ഈ പ്രദേശം ജലസമൃദ്ധമാണ്. കായലിലെ ലവണാംശ വ്യത്യാസങ്ങൾ കാരണം ശുദ്ധജലത്തിലും ഉപ്പുജലത്തിലും വളരാൻ കഴിയുന്ന ആറ്റുകൊഞ്ച് കൃഷിക്ക് ഇവിടെ അനുകൂല സാഹചര്യങ്ങളുണ്ട്. കേരളത്തിലെ പ്രധാന ബൗദ്ധ സാംസ്കാരിക കേന്ദ്രങ്ങളിലൊന്നായിരുന്ന ശ്രീമൂലവാസം സ്ഥിതിചെയ്തിരുന്നത് ഇന്നത്തെ തൃക്കുന്നപ്പുഴ...